APLIKIMI

Aplikimi për këtë pozicion kërkon që ju të keni një portofolio të mirë i cili demonstron aftësinë tuaj për të krijuar tekstura dhe materiale me cilësi të lartë për përdorim në videolojëra. Portofolio juaj duhet të shfaqë një sërë stilesh dhe teknikash dhe të demonstrojë aftësinë tuaj për të punuar në platforma të ndryshëm softuerësh dhe lojërash. Përveç kësaj, portofolio duhet të tregojë se ju mund të krijoni tekstura që kombinohen mirë me ndriçimin dhe kushtet e ndryshme mjedisore.

Përveç portofolios së mirë, shpesh pritet që të kuptoni modelimin 3D, si dhe të keni përvojë pune me softuer-ët standard të industrisë si Maya, ZBrush, Substance Painter dhe Photoshop. Njohuritë për shaderat, PBR dhe hartën UV vlerësohen gjithashtu shumë në këtë rol. Aftësitë e zhvilluara të komunikimit dhe bashkëpunimit janë gjithashtu thelbësore, pasi Artisti i Teksturës punon ngushtë me të tjerët, duke përfshirë Drejtorin Artistik, Game Designers dhe Programuesit.

INTERVISTA

Intervista për pozicionin e Artistit të Teksturës zakonisht përfshin rishikimin e portofolios suaj dhe një diskutim të përvojës suaj në projekte, veçanërisht nëse ato janë videolojëra. Përveç Rekrutuesit, në intervistë zakonisht marrin pjesë Drejtori  Artistik ose Artisti Kryesor, si dhe Drejtori Teknik i Artit, nëse studioja e ka një të tillë. Pyetjet testojnë të kuptuarit tuaj për teknikat dhe mjetet e ndryshme të teksturimit, si dhe aftësinë tuaj për të bashkëpunuar me të tjerët. Këto janë pyetjet e zakonshme të intervistës për pozicionin e Artistit të Teksturës:

1. Mund të na tregoni procesin tuaj të punës?
2. Si i qaseni krijimit të teksturave për lloje të ndryshme materialesh?
3. Cilat janë disa nga teksturat më sfiduese që keni krijuar dhe si i keni kapërcyer ato sfida?
4. Cila është përvoja juaj me softuerin standard të teksturimit si Substance Painter, ZBrush dhe Photoshop?
5. A mund të përshkruani një situatë ku ju është dashur të bashkëpunoni me të tjerët dhe si keni siguruar që puna juaj të përputhet me vizionin e projektit?

DETYRA TEKNIKE

Detyra teknike për këtë rol zakonisht përfshin demonstrimin e aftësisë suaj për të krijuar tekstura dhe materiale me cilësi të lartë për përdorim në një loje. Detyra specifike varet nga kompania dhe mund të përfshijë krijimin e një teksture për një aset specifik, të tillë si një karakter ose një objekt në mjedis. Detyra mund t’ju kërkojë të punoni me një softuer specifik ose platformë zhvillimi loje dhe të demonstroni aftësinë tuaj për të krijuar tekstura që plotësojnë kërkesat teknike, të tilla si optimizimi për performancë ose përputhshmëria me kushtet specifike të ndriçimit

Qëllimi i detyrës teknike është të vlerësojë aftësitë tuaja teknike të teksturimit dhe të sigurojë një mostër të punës suaj për shqyrtim dhe vlerësim nga ekipi i punësimit. Detyra mund të jetë e kufizuar në kohë dhe mund t’ju kërkohet të shpjegoni procesin e idesë dhe rrjedhën e punës pas përfundimit të detyrës, si dhe të bëni disa ndryshime.