APLIKIMI

Për të aplikuar për rolin e menaxherit të rrjeteve sociale në industrinë e lojërave, duhet të keni një kombinim të caktuar të arsimit, përvojës relevante dhe një portofolio të mirë që demonstron aftësitë tuaja. Shpesh preferohet një diplomë në marketing, komunikim, media dixhitale ose në një fushë të ngjashme. Për më tepër, çertifikime në marketingun e rrjeteve sociale ose platforma specifike (p.sh. Facebook Blueprint, Twitter Flight School) mund të përmirësojë kualifikimet tuaja

Për sa i përket përvojës, punëdhënësit janë në kërkim të individëve që kanë demonstruar sukses në menaxhimin e profileve në rrjete sociale, mundësisht në industrinë e lojërave. Kjo mund të përfshijë përvojë në krijimin e content-it tërheqës, drejtimin e fushatave të suksesshme dhe ndërtimin dhe menaxhimin e komuniteteve në internet. Njohuritë për platformat e njohura të lojërave, të kuptuarit e kulturës së lojërave dhe ndjekja e tendencave të industrisë janë gjithashtu asete të vlefshme. Portofolio duhet të nxjerrë në pah aftësinë tuaj për të krijuar content të larmishëm dhe bindës, të demonstrojë aftësinë tuaj vendimmarrëse të drejtuar nga të dhënat dhe angazhimin efektiv të komunitetit. Aftësitë shumë të mira të komunikimit dhe bashkëpunimit, si dhe aftësia për t’u përshtatur me natyrën me zhvillim të shpejtë të rrjeteve sociale, janë cilësi thelbësore të cilat mund të sjellin sukses në këtë rol.

INTERVISTA

Në intervistë, mund të prisni pyetje që vlerësojnë të kuptuarit tuaj për rrjetet sociale, kulturën e lojërave dhe aftësinë tuaj për të krijuar strategji dhe për të zbatuar fushata efektive. Përveç rekrutuesve dhe përfaqësuesve të ekipit të marketingut, intervista shpesh ndiqet edhe nga Menaxherët e Komunitetit. Ata mund të pyesin për përvojën tuaj në menaxhimin e rrjeteve sociale, trajtimin e angazhimit të komunitetit dhe trajtimin e krizave të mundshme të PR. Pyetjet mund të fokusohen gjithashtu në kreativitetin tuaj për krijimin e content-it, aftësitë e analizës së të dhënave dhe qasjen për kultivimin e një komuniteti pozitiv në internet. Përveç kësaj, ata mund t’ju pyesin për njohuritë tuaja për influencers në industri, se si qëndroni të përditësuar me tendencat e lojërave dhe si i integroni këto tendenca në strategjitë tuaja të rrjeteve sociale. Pyetjet më të zakonshme gjatë intervistës janë:

1. A mund të ndani shembuj të fushatave të suksesshme në rrjete sociale që keni menaxhuar, veçanërisht në industrinë e lojrave?
2. Si i qaseni angazhimit të komunitetit dhe çfarë strategjish përdorni për të ndërtuar dhe mbajtur një komunitet pozitiv në internet?
3. Si qëndroni të përditësuar me tendencat e lojërave dhe si do t’i përfshinit tendencat e reja në strategjinë tuaj të rrjeteve sociale?
4. A mund të flisni për një situatë në të cilën jeni përballur me një krizë të PR ose komente negative në rrjetet sociale dhe si e keni zgjidhur atë?
5. Si e matni suksesin e një fushate në rrjete sociale dhe cilave matje i jepni përparësi në analizën tuaj?

DETYRA TEKNIKE

Një detyrë teknike shpesh përfshin vlerësimin e aftësisë suaj për të krijuar përmbajtje tërheqëse dhe relevante, si dhe testimin e ekspertizës suaj në përdorimin e mjeteve dhe platformave. Një detyrë tipike teknike përfshin një skenar hipotetik ose një ngjarje të caktuar në lojë dhe ju kërkohet të zhvilloni një fushatë në rrjete sociale në lidhje me atë skenar ose ngjarje. Kjo detyrë vlerëson të menduarit tuaj strategjik, kreativitetin dhe të kuptuarit e audiencës së synuar. Mund t’ju kërkohet të jepni një kalendar të content-it, të sugjeroni lloje postimesh për platforma të ndryshme dhe të shpjegoni arsyet e zgjedhjeve tuaja. Kjo detyrë vlerëson gjithashtu njohuritë tuaja për tendencat aktuale të lojërave dhe aftësinë tuaj për të përshtatur përmbajtjen në mënyrë që të ketë kuptim për komunitetin.

Një detyrë teknike mund të përfshijë krijimin e content-it. Mund t’ju kërkohet të krijoni shembuj postimesh në rrjete sociale, pamje vizuale ose video të shkurtra në lidhje me temën e lojës. Kjo mund të përfshijë përdorimin e mjeteve të dizajnit, softuerit të redaktimit të videove ose aplikacioneve të tjera përkatëse që demonstrojnë aftësitë tuaja në krijimin e punëve tërheqëse vizualisht dhe të ndahet me të tjerë. Detyra teknike jo vetëm që vlerëson aftësitë tuaja krijuese, por gjithashtu ofron një pasqyrë të ekspertizës suaj për tu marr me mjetet dhe teknologjitë që përdoren zakonisht në menaxhimin e rrjeteve sociale.